ich stell mal mit Zauberflötes Erlaubnis seine schwäbischen Sprachlektionen aus dem BW7 Forum hier rein. ---------------------------------------------- I han mr dengt, i muss au amol a Berichtle in des Forumle neistella, derweil i jetza scho die ganze Zeit blos am lesa ben ond au scho durch eiare Tipps a paar scheene Nümmerle schieba han kenna. I hoff bloß, dass ihr des au elle lesa kennat, aber mir send jo hier im BW7 Forum ond so sollt mr scho a bissle schwäbisch kenna, moin i, gell. Ond die Siedschweda, Badenser und Kurpfälzer sollet sich halt aweng oschdrenga. Erschder Deil - OASE Am letschda Donnerstich ben in en Frankfurt geschaffa gwääh ond weil scho am Middag klar war, dass i den Aufdrag net grieb, han i die Glegaheit beim Schopf ergriffa ond han mei heiligs Blechle en Richdong Oase nach Burgholzhausa gschdeiert. Do ben i nämlich noch nie gwääh ond i han mr dengt, wenn de scho en dr Gegend bisch, no kansch dr des au amol ogugga. Glesa han i jo scho gnug drüber, hier en dem Forumle. Uffem Weg en die Oase ben i durch Ober-Erlenbach durchgfahra. Do ogfähr en dr Ortsmitte isch uff dr rechda Seid an Idaljener „Pizza da Guido“, do hanne erschd amol a Päusle eiglegt ond a erschklassige Pizza aus em Holzofa vrdruckt. Kann i wirklich empfehla ond zahla musch bloß, wenn es dir au gschmeckt hot. Pizza Salami mit Cola koschdet 4,90. I han 5 Euro gebba ond gsagt, des schdemmdt so, han halt mein groszügiger Dag ghet. Jetza hot dr Ranza gschbannt ond es isch Zeit für a bissle Bewegung gwäh, also weiter Richtung Burgholzhausen. Des Glübble liegt schee einsam midda en dr Prärie ond beim Neifahra en dr Parkplaz han i fascht oine überfahra. Die hot do mit de Arm romgfuchdelt ond i han scho dengt, des isch en Übrfall. Des war no au oiner, die wollt nämlich von mir 1 Euro für’s Parka kassiera. I han dengt i hör net recht, des isch doch hier net die Messe auf em Killesberg, ond i han mir überlegt, ob i mein Kärrele net woanders abstell. Schließlich ha i halt doch zahlt, mr will jo net glei als Ausländer ufffalla. Vom Parkplatz muschde dann no en halba Kilometer laufa, bis de endlich am Eingang bisch. Des war so gega dreiviertel Zwei am Nochmiddag. Zo dera Tante, die uffgmacht hat, han i gsagt, dass i zum erschdamol en ihrem Etablissement verkehre ond die hat mir erschdamol 60,- Euro Eintritt abgnöpft. I han dengt, wenn i jetza wieder geh, no han i omasonst den weita Weg gmacht, mei Parkgebühr zahlt und so ebbes macht koi rechder Schwob. Also ben i nei ond han mir elles zeiga und erklära lassa. Also die hen do a wirklich schenes Häusle baut, die Hessa. Des war beschdemmt net billig. Elles do gwääh, Schwemmbad, Sauna, Dampsauna (die war aber hee (kaputt)), Wirlpool, viele Sofas, a oigenes Kinole ond a Bar. Do han i me au erscht amol noghockt ond die Lage peilt. Mit mir zamma wared ogfähr zehn Hamballa do ond vielleicht 6 oder 7 Weibsleit. Do war zwar koine drbei, die mr mir hätt uff dr Ranza binda messa, aber was Bsonderes han i au net gsäh. Do hett I au im Ländle bleiba kenna. Also han i erschtamol a Kaffele ond a Wasser dronga ond beschlossa erscht amol abzuwarda. So langsam sen dann noch a paar komma, abr elle net mei Fall. Mit denne Gsella an dr Bar hasch de au net onderhalda kenna. Die hen elle so en vergrampfda Gschichtsausdruck ghet, do han i garnett erscht versucht, mit dene ens Geschbräch zu komma. Also han i denkt, des hat elles koin Wert und no kosch die Zeit au besser nutza ond a Middagsschläfle macha. I han me dann en des Kinole verzoga, weil des do am dongelschda war ond han vor mi nodöst. Gschderd hat blos der blede Porno, der do glaufa isch. Kaum war a Stond rom, isch a Mädle zu mir komma, hat sich vor me nokniet ond hat ogfrogt ogfanga uff meinr Flöte romzublosa. Des war ehrlich gsagt net oagnehm, die hot beschdimmt als Schdifft a gude Ausbildung beima schwäbischa Handwerksmeischder genossa. I ben dann au zom erschda Mol en meim Leba en oim Kinole komma. Die Fortsetzung hot sich dann en oim Zemmerle abschbielt ond au des isch schee gwääh. Des Weible isch die Nong gwääh, a ganz liebes ond hübsches Fraule aus Thailand. Die machet wenigschens no, was de sagsch ond send net so eigebildet wie manche von onsere oihoimische Besa. Also i muss saga, die 100 Euro hen sich glohnt. I ben dann no a weng an dr Bar romghengt ond han guckt was no an Neuem kommt, abr für mi war oifach nemme des Richdige drbei. Also han i mi en meine Klamodda gschmissa ond ben abgedüst. I glaub, i han dr falsche Dag erwischt oder die falsche Uhrzeit oder von jedem ebbes. I han mir dann überlegt, was machsch jetza mit dem obrochana Nachmiddag, schließlich hen mr grad erschd 5 Uhr ghet ond i wollt net bei dem Feierobendverkehr hoimfahra. Also han i denkt, warom net glei au des Atlantis mol bsucha, wenn scho, denn scho. Mei Navigationssystem hot gsagt, dass Altenstadt nur a halbes Stündle weit weg isch. Zweiter Deil – ATL Die Siemesstroos hat mei elektronisches Glomp net em Speicher ghet. Also han I en Altenstadt froga messa. Zufällig war do grad a Verkehrskontrolle der Bolizei ond I han denkt, der wird jo wissa, wo die Schdrosa isch. Der Greene wollt au glei wissa, was i do will ond i hab ehm gsagt, dass i des Atlantis such. Do hot der so saubleed glächelt und nochher han i au gwisst warom. Doch er isch recht freundlich gwääh ond hat mr den Weg genau erglärd. So om die dreiviertel Sechse ben i dann uff dem Parkplatz vom ATL eidroffa ond han me glei bolzbreit rechts uf en freia Platz nogschdellt. Do han i aber Glick ghedt han i bei mir dengt, denn alles andere war scho belegt. Kaum war i ausgschdiega, kommt so a Gorilla uff mi zu. Scheissele Herr Eisele han i denkt. Der will beschdimmt au an Euro Parkgebühr von dir. Aber der Kerle hot dann blos mit ama bösa Gsichtsausdruck gsagt, dass i uff dem Parkplatz der Geschäftsführung vom ATL steha däd und i messt do wieder wegfahra. Also han i mein Kärrele noch a paar Meter weiterbewegt. Die Hessa send jo noch schlemmer als mir Schwoba, wenn jemand uff onserem Parkplätzle drufstanda will. Emmer noch in Gedanka an des scheene Parkplätzle, ben i dann zum Eingang schbaziert. Die Gittertür hen se wohl von onserem Schdammheim aus dem Hochsicherheitstrakt gschenkt griegt. Die Empfangsdame hot dann uffgmacht und mir elles erklärt. Die hot a Goscha ghet, wie a Schwert. Innerhalb von oiner Minut hat die älle Möglichkeida, die es in dem Glübble gibt, rondergeleiert, ohne au blos oimol die Tonlage zu ändra. I han garnet so richtig zugehört, außer dass es ein Büffet für omasonscht gibt ond das der Eintritt 60 Euro koschdet. Also han i halt in dr saure Apfl bissa ond me net lomba lassa. Kaum han I bezahlt ghet, isch mir siedendheiß eigfalla, daß I meine Blaue Wunderpille im Audole vergessa ha. Also nochamol zurück und des Deng au glei gfressa, damit sich bei meim ausgelutschda Denger nach der Besichtigungsrunde die notwendige Verschdeifung eistellt und ich glei loslega koa. Die Berichtla in dem Forumle hen mi jo scho so richdig schaf gmacht. I han mir dann a großes Handüchle gschnappt ond me omzoga. So jetza war’s endlich soweit, i stiefl voll der Vorfreude in den Tempel der Luschd ond wenn i gsessa gwäsa wär, hätt’s mi glatt vom Hockle gschmissa. Irgendebbes war anders als i des bisher gelesa han. Aber was?? I wollt des jo gar net glauba, aber i han nur Kerle gseh, beschdimmt 60 oder 70 Stück. Alle blos mit ma Handüchle ond a paar mit Goldkettla, sonscht nix. Himmeldonnersackrament han i denkt, des kann doch garnet sei, dass des jetza a Schwulaclübble isch. Hat deshalb der Bolizischt so grinst, als i den nach em Weg gfogt han. Blos am Gedränkeausschank waret Fraua, aber lauder Glomp, sonscht en der ganza Fabrikhalle nur Dreifüsler. Kennet ihr eich des überhaupt vorstella, was des für en Schock für mi war. Noi, des kann sich koi Mensch vorstella. I han scho an meim Verschdand zweifelt oder denkt, i sitz noch im Kinole von der Oase und han en Albtraum. I dreh uff em Absatz rom ond will flichda. Uff oimol seh i durch a Glasscheiba Dutzende von nackte, bildschene Weiber ond han mr denkt, was soll denn jetzt au der Scheiß. Han I womeglich der Abend für gedrennte Geschlechter erwischt, die schbenned doch wohl, die Hessaschofseggl. Aber net mit mir do, han i denkt. Du hosch dein Eindritt zahlt, no wilsch au vögla. Aber auf gar koin Fall mit so ma Sackdräger, wo soviel hübsche Mädla do gwäh sen. Also ben i auf die Tür zu dem Raum zuschdürmt. Do drvor send zwei Knilch gschdanda, die wared voll azoga ond hen en ganz wichdiga Gsichstaudruck gmacht. Oiner von dene hat zu mir gsagt, das i da net reindarf, weil sie von dr Griminalbolizei send und grad eine Razzia mit Ausweiskontrolle bei den Mädla machet ond vorher koi Dreibeiner neidarf ond koi Mädle raus. Mi hat schier dr Schlag droffa. Net nur, dass mir die Tussi am Empfang koi Wort davon gsagt hat, noi, au des Büffet war in dem Raum, wo die Mädla drenn gwäah send ond i net neidarf. I han dann noch den Bulla frogt, wielang des Ganze daura koa ond die Anwort war: Net lang!! Also han i mir denkt, was willsch macha. Geh i halt an die Bar, wenigschens hat mr was zum Drenga griegt. Do ben i dann au mit oim recht nedda Kerle ens Geschbräch komma ond es hat sich rausgschdellt, dass der Mitglied im Römerforum isch ond onseren Wolfl persönlich kennt. Mir hen dann über Gott ond die Weld gschwätzt ond er hot mir au glei a paar Tipp’s geba. Blos nützet mir die au nix, wenn die Mädla net bald rausglasse werdet und die Wirkung von meiner Blaua emmer mehr dr Bach nonder geht. Außerdem send au koine neue Mädla me komma, weil die wahrscheinlich elle per Handy vorgewart worda sen. Nach gschlagene „DREI STONDA“ hen die Bulla endlich des Feld gräumt ond do wared die beschde Mädla natürlich au sofort von ihre Stammgäscht belegt, die sich sofort auf ihre Anminoschlupferleondnemmeloslasserle gestürzt hen. Damit war für mi des Wichdigschde frei ond so han i mi auf des Büffet gschdürzt ond me fürchderlich für den versauta Obend revanchiert. Drei Deller voll hann i uffgfressa ond des muss mer dene lassa, kocha kennet se ond Schbäzla hat’s au gä. Mit meim vollgfressana Ranza han e me dann so halblebig uff a Sofa schmissa ond ben eidöst. Desmol hot me koine mit irgenwelche musikalische Begabunga aus meine Träume gholt ond i ben nach oiner Stond so om elfe von alloi wieder uffgwacht. Inzwischa send wieder a paar hübsche durch die Gegend getiegert aber i han oifach koin Bock me ghet ond me lieber von ma Mann verwöhna lassa. Des war dr Masseur ond der hat wirklich gekonnt brobiert, in meim Fettgewebe Muskeln zu finda, die er berarbeita kann. Nach der Massage han i mi wieder zu meim Stammsofa begeba und wollt oifach nur noch entspanna. Uff oimol schbür i a Händle zwischer meine Füß und als i die Auga uffmach, sitzt a ganz liebe neber mir, lächelt mich an ond streichelt mein kloina erscht mit die Händ ond dann nemmt se denn au no en ihr Göschle. Die hot koi Wort gschwätzt aber prima gschafft. Do geht em Schwoba sei Herz uff. Mir hen uns dann uff a Zemmer verzoga ond als i es nemmer heba konnt, hat se den ganza Scheiß au no nagschluckt. Nochher hat sie mir no erzählt, dass sie Mai Lin heißt und von den Phillipinen kommt. Ganz gwiess war Mai Lin net des schenschte Mädle im ATL, aber mir hat’s greicht. I han dann so um 2 Uhr beschlossa uffzubrecha ond ben hoimgfahra. Onderwegs han i mir dann au no am Seligenstädter Dreieck no a Portion Rotlicht gegönnt, des mi wie dr Blitz beim Scheissa droffa hot. Erlaubt waret 60 km (auf der Autobahn!!!!). Falls I in nächster Zeit wieder mol ins ATL mecht, ben i wahrscheinlich auf die Mitfahrgelegaheit im Schwaba-Express angewießa. Zum Schluss mecht i saga, dass i au scho bessere Dag ghet ha :wink
:groehl :groehl :groehl Erbitte Übersetzungs ins Hochdeutsche (oder Hessische). Na ja, vielleicht kann das Genesis nachher bei unserm Stammtisch im FTL übernehmen. SEHR NETT!
spitzenschreibe, auch wenn ich was länger zum lesen gebraucht habe. kompliment an den autor. @pipeman wie bunt und wüst soll deine signatur ncoh werden ? nur mal so als frage, dass ich demnächst sachen von dir nur noch mit sonnenbrille lese
Werde selbsterständlich auf Deine Lesegewohnheiten Rücksicht nehmen und mich selbst kasteien. Wollen ja, nicht dass bei Dir bleibende Schäden entstehen. Auch die Augen brauchste noch :groehl :groehl :groehl Blue is the color of the moment (da gabs doch mal ein Lied?)
Hallole Zaberflöte do hosch abr a ganz a liabs Gschichtle gschrieba. Hab mi beschdens amüsiert :groehl :groehl Bis zom nächschte Mol,
Isch geh kabudd ! Iwa die Schwobe hab isch jo schun oft gelacht, awer wege me Schwob, hab isch misch noch nie so weggschmisse. Alla her. Aschda la wigtoria siämbre. El Corsario
für alle die mit dem lesen doch probleme haben.. sei angemerkt, dass im bw7 forum eine übersetzung von walter von der Vögelweide vorliegt. ich bin überzeugt, dass manche ausserschwäbische römer meinen es begriffen zu haben jedoch hin und wieder auch mit ihrem glauben voll daneben liegen gruß merlin
